昨晚終於黎到The Big 4的第5場concert, 亦係今次concert的最後一場! 好期待, 又好唔捨得呀!
8:10左右就入場, 右邊一排成行坐滿edmond的fans, 好有氣勢! 8:30準時開show! 之前都睇左2場, 覺得今晚佢地特別落力呢!
到華星娘爆造型部份, dicky的"蜈工彈", 真係比佢彈得起喎! (之前4場都失敗的!) 佢即興奮到圍住個場跑! 仲叫萬二人一齊歡呼"有心有力!" 
見佢真係彈得起, 證明佢之前幾日的"嘗試", 係認真有出力, 唔係做樣揸流攤的呢!! 
連蘇永康都笑佢, 話大家一齊見證左呢個"神跡!!" 
到安仔solo跳舞一part, 同之前幾日一樣咁精彩. 又係可能係最後一場啦! 跳完d觀眾係咁拍手, 安仔都感動到想喊咁聲! 
尾場加多一part係之前幾日都無的...就係4人在台上講感受. 4個大男人, 廿年友情講到想喊! 好明顯覺得佢地都好唔捨得最後一場concert呢!
今晚的嘉賓係左麟右李, 唱左紅日&霧之戀. 氣氛比想像中好! 到encore時, Big 4 四子已癲左, 唔單止係咁同觀眾握手, 仲企埋上欄杆上比人影相!
好high呀...例牌encore完一次之後, 已開大燈. 不過之前2晚草蜢做嘉賓都可以encore2次, 昨晚last場, 又點會咁早走呢! 一次encore後, 見到草蜢的蔡一傑在panel前面打拍子, 叫大家再叫encore! 大家就好有信心咁大聲叫...當然無不負眾望, Big 4 再次出場! 今次唔係唱自己的歌, 而係借呢個機會, 唱左2首梅姐的快歌向佢致敬! 連吳國敬同劉浩龍都
唱埋呢2首, 已經係11:45 我同d歌迷仲唔肯走, 繼續大聲叫encore! 哈哈! 之後見到連單立文都執好晒野走人, 我地先肯走呢! 見到佢地的落力演出, 睇得好開心, 嗌得好盡情! 真係好唔捨得呀! 希望佢地快d再開concert啦!
ps. 今日sammi著到靚靚咁黎睇concert, 成晚都好投入. 係到安仔唱唯獨你是不可取替時, 佢先匿番入去panel後面!
由於我要專心睇concert, 所以相機都無帶! 要遲d去朋友度偷番d相先可以upload番上黎! 
留言列表
