HazelECnuts的部落格

99年蒲酒吧時識到呢班朋友....仲包括o固舊"蕃薯", eric!

人生有幾多個10年丫!! 無諗過呢班人年年同我搞生日, 轉眼就10年喇! 睇落大家都無乜點變啫!  

各自都搵到另一半, 人大左, 生活唔同晒lu!

以前晚晚飲, 晚晚醉, 有人生日的話仲一定要見到太陽先肯走.  而家就只會有人生日先出黎聚下. 而且一過12點, 大家就會好眼訓!   真係唔認老都唔得!

一年只係見幾次, 不過一見面就雞啄唔斷, 有傾唔完的話題. 雖然少見, 然而大家都關心對方, 呢d就係老朋友吧!  祝大家永遠開心快樂!  友誼永固!...哎呀, 好老土呀! 

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

今年生日, 其中一個節目就係上律師樓. 舊年都有相同節目, 不過舊年係賣左樓收錢; 今年係比錢買樓....呢個生日活動真係好有意義呢!

我都祝自己生日快樂, いつも楽しい.

(露露, itsumo tanoshii係成日都咁開心咁解, 唔係我個名呀!  )