close
仲有3日就要搬屋. 其實我已經好早開始執野, 不過唔知點解執極間屋都仲有o甘多野! 
最近呢個星期, 每日收工後番去餵完nuts之後, 就去買鄗屋d野, 或者過新屋整野抹野. 有時成10~11點先番屋企之後, 又繼續執野到1點. 
訓得唔好, 好倦又無精神. 希望準備好d, 搬過去有覺好訓啦!
原本諗住搬屋好簡單, 今次仲有搬屋公司幫手搬添!....而家成屋都係紙箱, 轉身都無位. d野又pack晒入箱, 想用又無得用. 原來呢幾日等搬的日子先係最難過的.
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
記得以前有個有錢auntie好鍾意搬屋. 佢每搬一次屋, 都會換晒全屋傢俬電器, 甚至連私人物品, 衫o固d都會唔要, 全部買過晒新野!! 
好似佢o甘搬屋, 真係一d煩惱都無, 可能仲好有樂趣添! 
.....不過唔知點解, 我而家諗起佢, 個腦內只有"浪費"2個字, 我都係做唔到有錢人架喇! 
全站熱搜
留言列表
