3月16日
KA-321 09:40仙台発 - 早機回港
臨尾一日未訓醒就要出機場....好似無乜野做過o甘!
我差d以為個仙台遊記已經打完!
在仙台站等緊電車時出機場時, 宗女同金嫂鬥戰利品.....士多啤梨! 
1箱對1包, 呢個回合宗女贏!
半個鐘頭左右就出到機場. 我地就係坐呢班港龍機回港喇! byebye仙台!
成5個鐘頭機, 訓醒又食, 食完又訓, 搭極都仲未到HK! d時間好難過呀!
除左睇靚空姐之外, 機上係零娛樂!! 無野好玩o既情況下, 大家只好又拎部相機出黎影影影
呢張好得意, 望落去見到我地架飛機個影!!! 
不過我睇到影唔到, 又要去999度偷相!
回程機的飛機餐依然好正! 有日式蛋煮豬扒飯. 都有蝦人牌雪糕! 正! 食飽又訓過...
下午點幾兩點就回到HK. 第一次搭o甘早機回港, 白白浪費左一日呀! 朝早出機場時前, 仙台d鋪頭都未開門, 無得買野之餘, 連食多次牛利早餐o既時間都無! 好唔抵呀!
唯一o既好處, 係大把時間執野&洗衫, 傍晚仲可以去接番nuts仔番黎添! 
回家即攤開d手信影下先.....唔知由幾時開始, 去旅行買番黎d手信大部份都係食物黎o既!! 
就係呢2枝睫毛液令我地瘋狂! 搶呀~ 
短短6日o既呃食男女仙台團話o甘快就過(頭尾2日仲要無乜時間用). 但寫番遊記出黎, 又好似去左好多地方, 玩左好多野o甘.
回來聽到各位團友都話玩得好開心, 真係好喇! 我呢個導遊無比人投訴! 
番到黎HK, 頭幾日仲有d唔慣....
有一晚訓到半夢半醒時, 曾經有諗過, 今晚係住緊邊一間酒店呢?! 
見到7-11, 就諗起入去買鸚鵡睫毛液! (上左腦) 
坐金金順風車時, 又會想望下車頭個GPS! 
日本東北美食多蘿蘿, 魚生, 牛肉, 牛利全部都係我最愛o既食物. 今次真係食得唔夠, 所以.....嘻嘻...我已plan緊下年新年過後, 帶同家人再戰仙台!! 
留言列表
