第4日朝早起身, 各自在溫泉旅館食過早餐後, 我地就經熊本返博多...即係大家期待已久的"自由行時間"!
我原本的planning, 係晨早飛車去熊本城, 欣賞完櫻花再食個lunch後, 即回博多shopping(爭取時間丫ma!
)
點知個司機話熊本城附近無野食, 死都要幫我地加插一個行程去 <水前寺公園> 參觀&食lunch. 佢話呢度係日式座園, 好大好靚, 附近又有正野食喎! 
唔知同行的團友對呢個景點滿唔滿意呢? 我以前去過東京的六義園, 都係呢d日式庭園, 所以覺得麻麻地...
至於食lunch? 10點幾乍喎! 無幾耐之前, 先在酒店食左個好豐富的早餐, 仲點會食得落丫! 司機先生真係老點! 
最終大家無食野, 就直踩去熊本城.
好耐無見過咁靚的蒲公英喇! 
熊本城+櫻花, 可遇而不可求! 我地真係黎得合時! 
上面紅衫呢個, 就係我覺得可以付託終身的....日本上司喇! 
大風一吹, 漫天花瓣好似落雪咁, 好浪漫呀! 我都係第一次見呢個情景呢! 
我地在熊本城附近食左壽司, 就開車回博多喇!
一到酒店check in擺低行李, 5分鐘後我已去緊搭車. 我的目的地, 係一間鸚鵡店!
好開心睇左好多雀, 店內的灰鸚仲好痴我要我幫佢R頭. 見到我走佢會鬆翼搵我! 灰鸚唔係好有戒心嘅咩? 唔通佢聞到我有灰鸚味?
之後回博多在商店街行左陣, 都無野買就回酒店.
~~~~~~~~~~~~~~~~~~~~~
第二朝5點幾就比街外的嘈音整醒, 臨尾一日就去掃埋附近d便利店啦! 
食完早餐之後就出機場回港喇!
今次的收獲大部份都係食物! 
(其實而家旅行多數都係買食物! 食完唔駛阻地方丫ma!)
用左成2個月先完成呢次的遊記...效率好慢呀! 無計啦, 早排yblog成日死, 搞到大家都無心機搞個blog!
雖然有人話九州無野玩; 公司舊屎仲話九州只係得個豪斯登堡! (唔該唔識野唔好咁大聲講啦! 
)
而我就覺得九州係睇天然風景的地方, 好舒服! 不過比較適合自駕遊. 九州食物都好好味, 尤其係拉麵就更出名. 可以話係直得再去的...有機會我都想去埋鹿兒島呀!
九州, 後會有期啦! 
留言列表
