HazelECnuts的部落格

呢隻"死飛雀"邊個黎架?! 背脊有2個hello mimi紋身嘅??

灰鸚出左名細膽兼怕死. 聽雀友講, 有d灰鸚怕大件物品; 有d怕金銀色反光野; 有d又怕"有眼睛"的東西....

nuts仔細細個, 我地就用唔同物件黎"同佢玩"....(其實即係嚇佢). 我地想佢接觸多d唔同嘅野, 希望佢會大膽d. 可能因為咁, 佢見到d新奇野都唔會好驚. 即使驚, 都會扮鎮定, 鬆毛+胡胡聲, 然後快速喙人一下, 嘗試擊退敵人.

唯一一樣nuts仔好耐都克服唔到的, 就係貼紙/膠紙.  佢好怕聽到膠紙痴下痴下的"呎呎聲", 一聽到就會好緊張, 準備逃走.

上面o固張相, 我係擺左2個hello mimi貼紙在籠頂, 再將nuts"123反轉"訓落去的!  佢起身無耐, 就覺得背脊d毛有d唔妥, 急急用口撕走個貼紙!

下面呢張相, 係我快手快腳追住nuts將個貼紙痴上去的. 佢懶醒咁反身閃避, 都唔知我已經成功痴左個貼紙去佢patpat!  可能patpat係佢嘅盲點, 隔左好耐佢都feel唔到, 又睇唔到, 一d都發覺唔到!!

玩下啫....學nuts仔話齋: 好驚咩?!  .....唔好告我虐待呀!

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

上集講到nuts越大越臭脾氣, 又當eric係透明的. 異性相吸...慶幸當初我堅持要買囝囝, 唔要囡囡, 如果nuts當我透明, 真係唔知點算!

nuts大個仔對我依然好好, 即使發緊脾氣都仲可以控制自己唔會大力咬我. 有一次佢o係廁所的鐵通度玩倒吊, 唔知冼腳定做乜, 跌左落黎. 我剛好趕得切遞隻手去比佢咬實.....不過個傻豬只係咬左我一下, 之後佢竟然放口, 就咁跌左落地! 可能佢慣左唔可以咬我啦! nuts仔真係good boy boy!