close
今日我晨咁早就起身, 懷住興快嘅心情一個人出發......(難得的半日自由時間!)
坐山手線去邊呢?
先去一間有14年歷史的咖啡店食個醒神早餐...
跟住....就係去番學喇!!
我每次回東京, 都會番去學校行下. 十幾年黎, 睇住呢一區慢慢咁改變, 已經變得有d面目全非喇!
因為係3月底, 日本學校仲放緊假, 所以去到教員室都無先生o係度. 雖然係咁, 我在壁佈板上見到我以前其中一個班主任張相呀!!
以前d先生大部份都走左or退左休, 睇黎得番星野先生一人仲在教日文呢!
去學校行左一圈, 懷念一番之後, 我就回上野.
同eric約左1:30在酒店集合, 見仲有時間, 就爭取時間去食個魚生飯先!
呢度寫就寫築地直送, 不過其實無築地咁好食. 不過如果無足夠時間去築地, 咁出機場前黎呢度食碗魚生飯都係唔錯嘅選擇!
好趕咁食完, 又快步行去上野的こんばまる鸚鵡店. 今次見到的鸚鵡比上次少, 只有一隻灰鸚. 今次黎嘅目的, 主要係受人所托黎買雀食品的. 而好好彩, 又比我搵到d好野比自己...
嘩! 日本d Kaytee賣JPY3200一包, 成$256一包, 貴過香港成倍呀!! 原來在香港養雀已經唔算貴架喇!
好快咁在鸚鵡店行左15分鐘, 又要趕番酒店同eric會合, 繼續下午的行程喇!
全站熱搜
留言列表