上回講到...比GPS玩左一朝, 最終換左車之後又比警察捉cut線, 好在最後只係被警戒之後就放人. 終於可以繼續第4日去横浜八景島的行程...(已被迫放棄左bandai meseum個景點
)
上網睇資料, 話八景島水族館係東京最大的水族館....我篤!! 
當初排行程時都十五十六, 有諗過去唔去水族館好. 
最後係我同eric係比"佢"個衰樣吸引到我地去睇佢的....
睇白鯨個樣咁懵, 原來表演起上黎都好叻呢! 佢咀人個樣好可愛呀! 
無得同真嘅影相, 假嘅都照殺!! 
呢個水族館同hk的海記好唔同, 唔會下下要"保持距離"....只要你比JPY2000(約$160), 就可以換潛水衫落去親親海豚.
其中一個環節, 就係參加者企(定浮呢?)在水中伸值隻右手在水面上, 隻水豚會游去你右邊, 等你扶住佢條鰭, 由佢帶你"游"埋岸. (我都想試下呀, 可惜我唔識游水 )
仲有一個館, 比你企在池邊, 好彩等到條鯨魚游過時, 就可以伸手去摸下佢個身. (抽水? 我鍾意呀! 
)
洗定手等呀等...條鯨魚真係無我咁蠢(咁都信會摸到!!)...佢次次游到觀眾前面時, 就會潛左落水下面. 去到無觀眾o固邊, 就會浮上水!! 
唔單止咁, 有次佢仲衰到扮浮上水, 等d人好開心伸晒手出去, 點知佢埋到去就噴水去d觀眾到喎! 真係聰明到佢丫! 
呢度係可以用手撈水下的生物上黎"感受下". 有海星(原來係軟身架!), 海膽, 海參, 鯊魚仔等等....奶奶玩得好開心, 好似去左街市買海鮮咁! 
玩左一輪, 又睇左海豚海獅表演之後, 我地都在園內的foodcourt開餐. 嘩! 好多款雪糕呀! 睇見都開心!
無得同真嘅皇帝企鵝影相, 又係假嘅都照殺啦!
咦....呢隻修理中嘅生物係.....
玩左幾個鐘, 到左4點幾我地就走人, 因為今晚7點前要還車, 穩陣d, 都係預多d時間好!
在園外見到呢架蕃薯車, 奶奶好興奮咁話要食日本蕃薯!
買完蕃薯上車食, 準備回程之際....大鑊! 撻唔著架車!!! 
死啦死啦, 搞黎搞去, 可以開到冷氣, 開到cd, 不過就係開唔到架車嘅engine! 仲要趕番去還車架....有無咁黑呀? 唔通今日注定要衰o係架車&GPS度? 
就在我地好徬徨之際, 離遠見到有個男人推住架bb車在我地附近準備開車, 我就走去向佢求助....同佢講完之後, 佢交低bb比佢老婆, 就走黎幫我地睇睇. 不過佢都唔識撻呢架無車匙的車呢. 
好在, 佢幫人幫到底, 幫我打番去車行問下問題o係邊度....原來要踩住個break先可以撻車的! (再次遇到好心的日本人, 實在萬分感謝~ 
) 終於可以開車走人, 真係鬆一口氣! 
ERIC! 
你點做野架?! 拎車時萬事達個員工已經叫左專人去示範撻車比你睇, 點知你又求求其其, 無睇到人地要踩住個break, 淨係見到人地用手按個制! 搞到我又要虛驚一場, 血壓上升! 
(我仲要控制住我嘅怒火, 以免嚇親奶奶同二伯佢地. 雖然佢地都知我唔係善男信女. 就係咁, 在回程嘅路上我全程係: "前面20米轉左! 第二個街口轉右! 就到收費亭準備比錢!..." 除此之外, 無講過其他野
)
原本預左2個幾鐘頭回上野交車, 時間都足夠的. 不過因為撻唔到車搞左好耐, 最終就要開快車趕番去. 回到去上野仲要搵油站入滿油先交得車....呼~ 在6:50我地終於趕得切回到車行交車. 交左車, 我一身都鬆晒! 今日係身心疲憊嘅一日...
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
回酒店前, 我地去左元祖釜めし春上野食日式煲仔飯. 我都係第一次食呢....不過我太倦喇, 即使部相機放左o係枱面, 都唔記得影相! 記得o固陣已經.....
睇我食地食得咁乾淨, 都知道好食啦! 大家有機會自己去試下啦!
*去完八景島水族館, 我同eric的感覺係, 仙台松島的水族館雖然舊, 不過仲多野睇d同更值得去. 唔會推介朋友去八景島的水族館呢!
留言列表
