開左2日車都好順利, 係在箱根比個GPS老點左一次啫...心裡暗暗慶幸今次自駕順利之際, 今日就即刻比部車冼劑勁嘅! 
話說我地今日行程, 係晨早出發開百幾km去栃木縣的Bandai meseum. 因為二佬童心未泯, 鍾意咸蛋/幪面超人&高達, 所以就算遠d, 我地都想滿足下佢帶佢去睇下. 諗住8點幾開車, 10點去到目的地, 咁下午仲有足夠時間過去横浜的八景島水族館.
就在我地開車無耐, 已覺得個GPS怪怪地. 點解個圖行行下, 上下會調轉左嘅? 
如果只係直行, 都仲勉強睇得明(指向下時就即係向前行), 不過一到左要轉彎的地方時就奶野! 因為個圖指轉左, 咁我地實際就是係要轉右! 如事者我地錯左幾次, 個GPS又跟唔番條路, 我地就兜番去車行問下個職員. 點知問問下, 個GPS又好似正常番! 所以我地又再開車....
再行左幾分鐘, 發覺個GPS又調轉左! 我地就停埋一邊研究左好耐, 不過都係搞佢唔掂. 我地已投降, 諗住再開車回車行啦....今次發覺畫面中架車直情離開左條路線, 去左d建築物度!!! 
唔理佢, 都要照行架啦....妖! 個GPS越黎越離譜, 佢叫我地轉右, 但條路係無得轉右的! 
知道唔可以再靠個GPS回車行, 我地就停埋一邊, 拎本地圖出黎, 望下條街睇下自己去左邊. 見到好多電器鋪...好在, 我地兜黎兜去, 只係由上野去左秋葉原! 
落車問下人上野係邊個方向之後, 我地就向住上野方向慢慢開車. 之後離遠見到山手線同首都高速天橋, 就拿拿聲跟住條大路直剷番去車行. 呼~ 見到車行招牌, 真係鬆一口氣.
最後同車行職員講一大餐, 佢拿拿聲搵過第二架車換比我地, 仲比2款我揀添! (是但啦! 已經浪費左我地成個幾鐘, 快d比架車我就得啦! 
)
唉...換完車已經10點! 如果照去Bandai的話, 就一定去唔到水族館. 咁我地唯有揀d大家都啱的觀光點去啦, 就放棄左Bandai喇! 
呢架就係新換比我地架車....睇個價錢牌, 係屬於第二貴價的私家車種. eric開車, 都話架車馬力好勁, 又靜又快!
換完車再開車, 終於解決GPS的問題, 諗住鬆一口氣...點知....
因為上野站附近的馬路好闊, 有好多條行車線, 在一個彎位時, 我地要邊轉彎, 邊由第2條線轉入唔知邊條線....就係咁入錯線! 我叫住eric話入錯線之後, 佢就快速咁拎軚轉過隔離. 跟住就聽到BB聲囉! 比差人吹BB叫停, 指示我地駛埋一邊.
吹BB的亞叔好串
....好在抄牌的亞叔親切d, 見我地拎住國際車牌, 只係對我地訓話一輪就比我地走人. 呼~ 今早的行程黎到呢度, 已經令我身心疲倦, 好在之後都可以順利去到八景島.....
都話東京市區內唔應該開車架啦!!! 
留言列表
