去左suki屋企幾次, 我次次都同亞餅講: 去..街..街!
次次亞餅聽到頭都側晒, 不過我次次都係得個講字. 
3月8日下午, 難得無落雨, 就同suki帶左塊餅同2條腸去行街街喇! 出到街, 亞餅真係好開心. 我拖住佢行...唔係, 係佢拖住我行時, 2隻耳仔貼住晒條頸的, 唔知係咪好緊張呢? 無論叫佢個名定講"去街街", 佢都唔so我.
(suki話, 車~ 而家都出左街, 仲駛乜做反應啫! ...咁又係喎!
)
解左繩後的亞餅即刻博晒命四圍奔跑, 幾咁輕盈呀!
睇下呢2條腸又點呢....derek通常慢慢行, 即使佢去追eric, 都識得走捷徑, 唔會跑足成個圈咁傻仔.
右下角嘅係bb. 佢全程只係痴住suki腳邊唔敢走開! 裙腳仔bb, 你駛唔駛咁驚青呀! 
eve好不容易將bb抱上手...不過無論點樣R佢, 佢都唔enjoy. 仲露出惶恐嘅表情.
一番到去媽咪身邊, bb即刻訓得幾冧. 
亞餅都唔弱, 有得挨住lulu訓, 又有人幫佢按摩, 好快都訓到反晒肚! 
derek今次又曳曳, 所以又要出動聖火令. (睇下佢眼神幾可憐! .... derek: 鍾意人係無錯架! 點解要阻止我?! )
佢今次嘅目標又係winnie....噢! winnie唔係特別日子喎, derek都死跟住佢嘅?! 
無論旁人點鬧佢, 阻止佢, derek都要攬住winnie. 不過winnie一出聲鬧呢...derek就即刻反肚對住佢喎! 
呢隻狗仔真係蠱惑! 睇黎佢已經深深愛上左winnie喇! 
winnie, 你成日話自己無吸引力....睇下, 佢地為你大打出手呀! 
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
在回家的的士上, 我同winnie講起亞餅去街街時奔跑的情形....
今日亞餅一出到去解左條繩, 即刻好開心咁奔跑出去, 個樣幾開心呀!
W: 係呀? 呀...佢在家o固陣咁定咁乖, 原來佢心裡面始終係一隻無雀仔嘅狗黎嘅...
W: 唔係唔係, 我講錯左....應該係一隻無腳嘅狗至真!
W老公: winnie你太倦喇, 都係唔好講咁多野, 早d抖啦!
留言列表
