搬後感想(二)－HazelECnuts的部落格

搬屋前, eric上網睇左d資料同用家評語. 最終用左呢間1128搬屋.

我估我地唔算多野, 因為梳化同地櫃無要, 房入牆櫃又無得搬走. 大件d的傢俱有床, 麻雀枱, 高書枱, 雪櫃, 電視, 洗衣機, 鞋櫃, nuts2個籠同雜物.

之前都仲有叫左幾間黎報價, 有d開價$2000 & $2500. 1128收我地$1500, 包全部傢俱及25箱雜物. (其實我地唔止25箱野, 不過其實佢地無數, 全部搬晒又無提過話要額外收$$, 更加無R我地茶錢! )

新屋在女人街, 所以我地在早上8:30叫人黎執野, 預計10:30去到旺角, 架車就可以入女人街停在大廈門口. 點知唔係囉...10點未到d鐵枝已攤晒出馬路, 搞到要停架車在隔離街, 用車仔推d野過黎. 好在各位大哥無詐型, 仲好好禮貌, 搬野又小心. (全個過程一句粗口都無聽到!) 絕對係值得推介! 下年我地要再搬屋, 都一定會搵番佢地幫手!

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

今次搬屋無買衣櫃. 見之前用實惠自砌的衣架都幾好用, 變化大(第二時可以用得番), 又平過買衣櫃, 所以今次就買多一個番黎用.

呢個係以前在實惠買的....