因為同網友夾埋一齊訂造狗牌的關係, 我又搵番d陳年大蕃薯相片出黎, 諗番起好多大蕃薯的生活片段!
上次邊個網友話大蕃薯唔惡呢? 睇下佢呢個樣, 對眼發青光, 又露左2隻彊屍牙出黎, 係咪好邪惡呢? 
隔離抱住佢o固位, 就係我姨媽. 之前我地一家人去旅行, 就叫左我姨媽黎住幾日, 幫手睇住大蕃薯. 點知大蕃薯以為佢趕走左我地霸左間屋, 就開始好憎佢. 仲o係佢訓覺時整篤尿落去佢張被度! (oh! 當時我姨媽係訓緊我張床呀!!
) 而家姨媽抱親大蕃薯, 就會e起棚牙兇佢架喇!
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
睇下隻狗仔一臉驚慌匿o係枱底, 估下佢做乜?! (佢唔係比人打!)
記得當時我仲未結婚, 有一晚食完飯, 我就同細佬妹圍住張茶几睇電視同睇報紙. 當大家好relax時, 就有隻大曱甴大無私樣o甘o係我地面前散步, 嚇到我地3個彈起加大叫, 要亞媽由廚房出黎救我地! 
亞媽打死隻曱甴之後, 我地發現唔見左隻大蕃薯....原來佢唔知幾時已經搵到個安全地方匿埋左! 
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
大蕃薯除左食, 玩之外, 就只有訓 
....由細到大佢都唔訓地下的, 一定要爭梳化位黎坐. 你坐左佢個位, 佢仲會吠你叫你行開! 嘆到佢丫...
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
除左用"樣衰"2個字之外, 都諗唔到第二個更合適o既形容詞! 
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
大蕃薯其實有學過儀態的, 睇下佢頂住舊骨幾定! 佢(曾經)有超強的忍耐力, 可以定到2分鐘唔郁架! 
不過而家恃老賣老, 成日扮傻垂低個頭整跌舊骨!! 跌左咪唔駛等o甘耐law, 你當我傻o既咩! 
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
曾經有人話, 狗唔識選擇, 只會衝去最近佢的食物度.....實驗証明狗係識得選擇野的!
唔知大蕃薯係鍾意狗骨形丫, 抑或係覺得狗骨形o固舊大舊d呢? 
~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~
好舒服呀~ 大蕃薯最enjoy我細佬幫佢做massage, 次次都放鬆晒d手腳, 成個身軟晒!
我諗起某個朋友話自己唔舒服時個身軟綿綿, 我成日都唔明係點樣軟綿綿法....唔通就好似大蕃薯o甘樣? 
不知不覺大蕃薯已經同我地生活左7年半喇! 希望佢繼續健健康康, 開開心心o甘生活, 做一世嘆狗啦! 
留言列表
