3月14日
変身！！
是日不宜看日出......與松島日出無緣 
2條友5點幾起左身沖杯
, 戇居居等左成個鐘都睇唔到日出.
, 戇居居等左成個鐘都睇唔到日出. 個天好多雲, 天氣唔好, 無計! 
都係浸個溫泉實際d!
都係浸個溫泉實際d!去浸完溫泉, 就去食自助早餐. 都算好多款食物. 有西式同日式, 大家食得好開心. 食飽飽又要準備出發.
蝗蟲團友宗生宗太. 睇下宗生成個古代武士伊達正宗o甘呀! 
-------------------------------------------------------------------------------
今日o既路程都唔短, 所以好早就要出車.
松島 - 石卷 - (山形自動車道) - 藏王 - 上山溫泉
不過我地第一站係....7-11 
因為昨晚無野做, 就去左酒店附近的7仔逛. 竟然比我發現到限量版鸚鵡睫毛液!!
黎到松島都買到鸚鵡手信! yeah! 
所以今日一出車, 見到7-11即刻駛入去掃貨!
所以今日一出車, 見到7-11即刻駛入去掃貨!掃完貨, 蟲部隊影番張大合照先 
開車半個鐘左右就到左第一個目的地 - 石ノ森漫画館
石ノ森漫画館建築o係一個島仔上面, 白雪雪o既外型好似隻飛碟!
(相片取自石ﾉ森萬画館網站)
唔係扮細, 我真係唔識得"石ノ森先生"......
唯一識得的漫畫人物, 算係小露寶...o固陣我好似係幼稚園 記得有一個小露寶的玩具, 好似小露寶舉住枝黃色棍o甘, fing佢會發出"達達"聲!
呢隻唔係熊貓, 係eric變身做幪面超人過程中o既衰樣!
哈哈! 唔知以為比人打腫左對眼! 
呢位o甘英, 都唔駛我介紹, 一睇就知佢係幪面超人 
都唔係好多野睇...如果細個有睇過呢d卡通片o既人(即係35歲以上o既人), 可能會有興趣d! 
------------------------------------------------------------------------
參觀完我地又急急腳向藏王出發喇!!
頭2-3日旅程, 在仙台, 松島, 石卷, 氣溫都有成10度左右, 已經無雪...
A車司機E先生因為在HK無開車, 唔係好慣. 開一陣高速公路已經有d眼訓. 所以我地上左山形自動車道之後, 就在休息站停車食個lunch休息下.
醒呀!! E先生話呢隻coffee苦過廿四味, 一飲即醒! 
繼續開車, 開開下, 發現路邊開始有雪喇!! 
雖然一早知道藏王o固邊會有雪. 不過沿住高速公路一直行, 睇住兩邊由無雪漸漸變成白色, 大家都好興奮呢! 
<下一站藏王上山溫泉酒店>
全站熱搜
留言列表
