close
5月3日, eric帶左我一齊去會展, 出席佢公司2007年度的頒獎禮. 
雖然事前eric已同我講, 要著靚d..著靚...d著靚d..... 但我一直都以為只係公司annual dinner o甘樣.......直至之前一晚, 我拎d衫比佢睇, 佢話太casual 
佢話要好似去ball o甘! (ball? 踢波就有試過, ball就未去過呀!)
好在我衣櫃裡有一條買左好幾年, 一次都未著過o既one piece裙
......更好彩o既係, 雖然呢幾年肥左, 但我依然仲著得落條裙! 
自從99年電過一次髮, 為期唔夠一個星期就直番之後, 我一直都係直頭髮. (其實係懶, 唔想花時間整理個頭!)
既然eric講到o甘隆重, o甘我就再隆重d啦! 於是乎我下午就去set個頭黎襯番條裙, 仲用左超過半個鐘黎畫眼耳口鼻!
(因為拎左個超細o既手袋仔, 所以無帶相機. 靚d o既相係eric同事幫我地影; 鬆郁朦o固d係我用部手機影的! 好在坐最近台的一圍, 先影到少少相乍!)
7點半去到會場, 無花無假, 無論場地定出席o既人都真係好誇張!! 有d似雜誌中見到的ball + 樂壇頒獎禮. 
頒獎台, 其中一位得獎者, 仲o係台中間的佈景板度轉出黎添架! 
見唔見到邊個做司儀? 係林曉峰呀, 所以我更加覺得似頒獎禮! 
放晒煙花...各個獎項之間, 仲有好多表演助興架! 有體操, 大戲, 搞笑....
以下係一team人的合照, 成team18人都係女性! 佢地個亞頭拎到勁獎, 所以叫晒成組人上多謝大家o既努力!
似唔似選緊港姐?? 
最高台o固位....就係佢o係台中間轉出黎架喇! 出場方式&佢件衫, 我諗起翁倩玉! 
eric只有一個小獎. 老公, 要繼續努力呀!! 
呢個大獎座, 係屬於同枱的猛人. 而家明我點解話似音樂頒獎禮啦?! 我見過叱吒d獎座都係o甘上下架乍! 
全站熱搜
留言列表
