close
上星期日奶奶出左黎市區一日遊, 所以請左小平食檸檬. 我地無得去大浪西之餘, 仲錯過左豐富o既西貢食海鮮餐呀!
因為要提早同奶奶慶祝母親節, 所以下午就叫左佢出旺角飲茶, 之後就帶左佢去尖東海皮行下, 感受下北京奧運o既氣氛.....唔少得同福娃合照.
再感受下做火炬手o既滋味!
奶奶, 你怕唔怕有人搶你火炬呀? 唔怕~ 我o甘大隻!
笑鬼死, 奶奶好合作o甘擺好隻手, 影完一張又一張, 驟眼睇都幾似, 得閒幫佢key番d奧運聖火落去先!
之後就黎左我地屋企坐下. 5年黎好似第2 / 3次上黎乍! 梗係要同nuts仔合照啦.
之後又去左我娘家食晚飯, 同大蕃薯合照.....大蕃薯扮晒實Q, 係o甘監視佢. 講句野都即刻吠, 唔比人講野!
2個襯家合照. 唔好睇我奶奶頭髮都白晒, 佢好鍾意食wasabi同三文魚!!
如果奶奶唔係住大埔o甘遠, 就可以多d黎一齊食下飯. 最慘佢連女人街都唔識, 次次搭巴士/火車出黎都搞到我地好擔心, 怕佢蕩失路!
希望入冬後港龍會開番去仙台o既機啦, o甘出年就可以帶佢地去仙台食魚生同玩喇!
全站熱搜
留言列表