HazelECnuts的部落格

3月16日

仙台市(八木山動物園 / sapporo啤酒園 / A車鳳鳴四十八滝, B車The Mall)

昨晚經過長途車程由銀山溫泉回來後, 今日行程就比較輕鬆, 主要都係仙台附近的觀光點, 車程唔遠的.

講好集合時間在酒店lobby等. 早上起身, 就同E先生出去搵食.

問E先生想食乜, 佢明確o甘答我: 日本野, 總之唔係西式早餐.  (第一日我就指定要去一間cafe食西式早餐,我知佢好唔願意,不過又要就我! )

剛出門口, 就有人overover我地, 原來雞尾做左狗仔隊跟o係我地後面.

行下行下, 去左仙台車站搵食. 我地上左3樓的牛舌街的伊達の牛タン搵食, 而雞尾就落左1樓搵食.

呢個係我o既粥早餐, 睇落去好清, 不過湯同埋碗餸都有牛肉在內, 食落去比想像中好味...

呢份就係E先生o既早餐 - 仙台燒牛脷.

食完呢一餐, 我已即刻諗, 今日內仲有無可能攝d時間黎食多一餐呢?  ......但我地o既行程太緊湊, 最後都係騰唔出時間食多次既! 無計, 唯有等下一次啦!

燒牛脷, 你要等我呀~

團友各自食完早餐, 就在酒店集合. 今日第一站係仙台市內的八木山動物園.

唔通就係裝呢個大pat pat ?!

唔係, 係睇長頸鹿o者! 初初隻長頸鹿怕羞, 匿o係鐵門後面唔肯行出黎, 搞到個個要排隊o係門隙度裝佢!

後尾長頸鹿都乖乖o甘行出黎比大家影. 又斑馬又長頸鹿, 好似去左d野外平原o甘呀!

八木山動物園內的動物都算幾多, 不過大部份動物都好呆滯. 唔係訓晒覺唔郁, 就係好似無心機好悶o甘.

呢隻小熊貓叫做最活潑, 在草地上快步兜圈, 好似好趕時間o甘!

我覺得佢好可愛, 不過...可能佢覺得我好煩. 當我係o甘拍手引佢時, 佢即刻更改路線, 唔兜黎我o固邊!

其中令大家最興奮的, 係睇到北極熊.

我地入左北極熊o既區域, 我行最前去探路, 經過第一塊玻璃窗, 只係得一池水. 再行前d....見到原本在第二隻窗的北極熊衝緊番去第一隻窗的方向, 所以我大聲叫d團友番轉頭! 

E先生剛好在玻璃窗前面, 見到水中無野, 就企高一級裝上水面. 就o係呢一剎那, 見到隻北極熊突然大字形撲向佢! 

而金團友企得後d, 捕捉到北極熊剛入水追住食物o固一刻. 因為影到靚相仲開心左好耐, 話呢幾百YEN入場費抵番晒!

(幾秒間o既影象都比你拍到, 張相又真係好正o既!

行完動物園, 已經係12點幾. 大家都開始肚餓喇. 於是我地就出發去仙台sapporo啤酒園食lunch.