HazelECnuts的部落格

到達目的地前3小時左右派發早餐. 再睇一陣電視就到! 13小時嘅航程比想像中易過! (因為捱過左所以咁樣講!)

當地時間6點多飛機到達時, 剛好開始天光. 過關攞行李後就在戶外等旅遊巴. 清早時份比較涼, 只有12度. 有風的話都幾凍! 之後我地要坐3個多鐘頭去佛羅倫斯.

今日天氣好好! 領隊話會在領主廣場附近觀光&食飯. FWD為大家準備的第一份小手信, 就係....意大利雪糕x4球!

坐左1個鐘頭車, 在高速公路的一個中途站停30分鐘休息. 大家一窩蜂湧入去使歐羅! 店內有好多朱古力賣, 不過大部份牌子在hk都有得賣! -_-  最終我都買左一排朱古力做手信, 仲買左個朱古力牛角包! 好味!

上車繼續去佛羅倫斯的旅程. 導遊開始主持西史課! 由古羅馬帝國開始....呵~ 又係瞓覺時間!

終於去到佛羅倫斯! 落車地點就在河邊. 一落車各團友都嘩嘩聲! 雖然唔知自己o係邊, 不過應該就在佛羅倫斯最出名的地標附近.

向住午飯餐廳一直前進, 我終於見到老橋! 好興奮!...終於能一睹徐志摩及黃永玉筆下的翡冷翠及老橋!

午飯過後只有2小時的自由時間. 有百花聖母教堂, 領主廣場上的石雕等等不能錯過外, 我地仲爭取時間親身走上老橋! 雖然唔夠時間參觀, 但我都覺得好開心!

之後先回酒店休息, 再出發去食晚餐. 晚餐地點好似叫小皇宮的酒店. 建築物外型古舊, 內裡的的壁畫同吊燈氣派不凡!

不過經過長途機, 再加上剛才趕著觀光一輪, 團友們都神情呆滯, 只想快d 食完飯回去瞓覺!

在路上見到d古舊屋的大門好高好有氣勢!! 

回到酒店就見到第一晚的禮物!