今早FWD的成員要同另一團的成員集合開一個早會, 而家屬就可以在酒店hea下.
反正都起左身食早餐, 就無回去再瞓. 天氣好好, 酒店對面就係公園, 我就自己去左晨運. 公園好大, 有好多人放狗. 意大利d狗有咁大的草地可以奔跑, 真幸福!
10點幾終於等到大家開會回來後, 我地就開始今日嘅行程了!
先出發去一個小山丘上, 可由俯瞰佛羅倫斯. (已忘記忘地點的名稱! -_-)
影完成百人的團體照之後就出發去酒莊!
酒莊建在山上, 整個山頭都係矮矮7字形的葡萄樹. 原來釀酒用的葡萄跟食用葡萄唔一樣, 前者種在斜坡上係方便水份流走, 只留低養份, 所以釀酒的葡萄係細細粒的精華.
參觀酒莊時覺得印像最深的, 就係晾乾葡萄的房間. 一排排的葡萄, 散發出甜甜的氣味.
我地對紅酒無乜興趣....反而以前參觀啤酒廠仲有心機聽講解!
參觀完之後, 就係漫長的用餐時間. 有餐前小吃-意大利火腿, 仲有每枱3款紅酒! 團友們馬上互相廝殺!
飯後仲有dum波鐘的問答遊戲環節. 太無聊了, 我地自己落左去葡萄園影相. 聽聞9月係葡萄成熟時, 而家已經10月底, 所以我地睇到的葡萄園係光脫禿禿的. 即使見到有黑色串串的, 都係又乾又皺的老葡萄. 我地唔甘心一直揾, 終於見到零散幾粒的靚葡萄, 即係摘落黎試下. 細細粒, 味道比平時食的更甜更濃味. 園內仲有檻欖樹同柿樹, 可惜無見到似樣的果實, 無得摘黎試!
慢遊完酒莊幾粒鐘, 終於離開! 剛剛先食完飯無耐, 一上車竟然又話開車去食晚飯! 妖.....
晚餐係炭火燒牛扒. 今晚的牛扒比起之前2晚的鞋豬柳好好多!
回酒店的車程上, 梗係要問下領隊, 酒店附近有無超市! 原來離酒店5分鐘路程就有一間大超市! 可恨我今早無聊四圍逛都搵唔到!
旅遊巴回到酒店我地就即跑去超市. 只剩下15分鐘就關門! 唔理喇! 唔買到要睇下先安樂!
回到酒店房, 就見到今晚的手信: 紅酒一樽!
留言列表