今日我地就要離開佛羅倫斯落羅馬. d行李好壯觀呀!
食完早餐出發, 第一站先去the mall outlet. 之前去過日本, 韓國的outlet, 覺得呢個outlet唔太大. 不過呢度主打歐洲名牌, 所以團友們都蠢蠢欲動, 十分期待大出血.
outlet 10點開門, 但在9:45, Prada, Gucci 門口已有人排隊! 我地無目標, 就隨便入鋪頭翻下價錢牌見識下! 細細個的Gucci散紙包賣€160....嘩!
睇左陣, 買左我人生第一個名牌手袋! 一個muimui的黑色小手袋, €250 (有大約22%退稅). 有手信比自己喇! 好野!
在outlet買野, 最痛苦的就係排隊比錢. 意大利人同法國人的工作速度有得揮....
買左一個手袋仔之後, 我地就四圍hea下, 仲去GUCCI cafe食lunch!
鋪草皮! 好似瑞士卷呀! XD 
團友們個個都買到一袋二袋, 好誇張! 最誇張的, 係佢地唔係自用, 而係要黎送比客!!
(eric只是幫同事拿東西而已...)
離開outlet後, 我地就繼續去羅馬的行程. 晚上會2團4百幾人一齊舉行聯歡晚宴.
晚上的聯歡晚宴在意大利片場舉行. 入口處有2個羅馬兵守住門口, 沿途有火盤及巨大的古羅馬場景, 競技台上仲有4個士兵o係度格劍!
我地係頭車第一批到, 可以悠閒咁影相.
咦...Captain cool都黎左喎! XD
4百幾人到齊後, 就開始入場舉行晚宴. 第一道菜係菠菜芝士球, 之後的係...."不提也罷"!
晚宴期間有頒獎環節及表演...尾段有小丑大戰batman, 仲打到出戶外!
打打下蜘蛛俠同貓女都出埋黎混戰! 就在勝負已定之際, 突然傳黎巨響!
羅馬場景的後方有煙花射上天! 呢個配搭好靚! 煙花持繼15分鐘左右, 今晚的聯歡晚宴就完滿結束. 大家都好有興趣想知燒左幾多錢?!
回到酒店, 今晚收到的禮物同名牌有關呢! GUCCI糖!
留言列表
