天空之城後, 我地又踏上2個鐘頭的車程去阿西西. 見到資料介紹, 係羅馬時代的古城鎮! 12世紀末誕生了意大利第一位聖人: 聖方濟各! .... 我地唔係教徒, 對聖人無特別感覺. 以為又係d爛蓉蓉的古城.
當車駛落高速公路無耐, 離遠就見到山腰處有宏偉嘅建築物. 加上下午3點幾的斜陽照射, 山頭一遍金黃色, 好靚! 原來呢個就係我地要去的阿西西古城!
呢個景一定要離遠先影到, 所以巴士停在路邊比我地落去快影幾張相.
就在等影相時, 我發現地下的每一條磚上都刻有人名! 好整齊好靚! 問過領隊, 原來以前呢度曾發生過地震, 路面受到破壞, 最後係得民眾捐錢重鋪路面, 所以地上就刻有善長人翁的名稱. 好特別呀! 簡直係藝術品!
(((遊記在2014年11月寫到這裡, 之後我竟然忘記了, 無下文....所以以下的遊記只是我在年半後看著相片再回憶出來的! )))
座落半山上的阿西西古城由南到北面, 2邊有各有城門出入. 我們由南面入城, 入城前先光顧付費的洗手間, 盛惠€0.5 付費不是問題, 但因為是投幣形式的, 沒零錢就不能去洗手間! 我只好....在閘門捐過去!
進城後是一條小直路, 很寧靜很舒服. 走過小路後又看到美麗的建築物. 領隊有提及是歐洲xx式建築物, 不過我聽完都忘了, 只顧著拍照! 之後就是分散活動, 再另約時間在北門終點集合.
今天剛好有市集, 好幸運! 進去逛逛, 買了幾瓶松露醬.
再繼續行, 越來越少人, 又要走斜坡上上落落....明明領隊說南到北面的路很平坦, 我想是我們走錯路了! ><" 不過整座城都是長形的, 最終應該也可以去到北面的就好了!
快到集合時間, 終於看到宏偉的大教堂, 知道沒走錯路了! (安心~)
來到終點時剛好是日落時分, 教堂位於半山上, 可眺望遠景, 超美!!
集齊人後, 由領隊帶我們進教堂, 邊參觀邊解說. (教堂內不可拍照)
今晚我們入住古堡酒店, 超期待的! 可惜到埗時已入黑, 看不到古堡外貌.
因為找路遲了一點到酒店, 餐廳職員竟然責備領隊! 雖然酒店, 餐廳好靚, 可惜又係食超鞋豬柳....團友們都只吃下伴菜的食物及甜品, 然後就回房休息.
留言列表