HazelECnuts的部落格

上星期日又去左朋友屋企玩狗同食大閘蟹 . 朋友屋企有4隻狗狗, 2隻史立沙, 1隻洛威那, 同1隻白色狼狗.

2隻史立沙好醒目. 以前我都諗過想養架...養唔成, 有得玩下都好! 所以我次次都會買好多狗零食去"收買狗心"!

呢2隻大狗o既配搭好搞笑! 一黑一白, 一肥一瘦,  一圓一尖!

比左2個網球佢地, 不過玩玩下得番一個. 梗係要爭爭下先好玩o甘!

就係呢隻黑色的sue仔, 將個沾滿佢d口水o既網球, 係o甘質落我條褲度!! 乜咁客氣呀?!

因為狗零食發揮到作用, 所以o係狗主不在場的情況下, 我地都夠膽同2隻大狗玩.

白色的iceberg好串, 唔係幾睬人, 淨係掛住自己玩. 不過今次食左幾塊餅餅之後進步左少少, eric仲可以騎住佢影相添!

睇下iceberg細個幾得意! 好似隻毛毛公仔咁架! 而家個咀長左, 對眼相對細左, 佢地話佢似蠱惑仔喎!  

第一次見sue仔時, 覺得佢好大隻, 肥胖o既身軀黑到令, 好似一隻海象!!

sue仔企起身時高過我. 有時佢high左, 會好似架巴士咁衝埋黎! 同佢玩時都要好小心, 驚比佢推跌!

到左而家, 話晒大家都識左一段時間, 今次去同佢玩, 佢對我地都友善左好多. o固晚佢執唔到個網球, 仲識帶eric去幫佢執添!   雖然見唔到佢擺尾(條尾太短), 不過都見到佢擺patpat! 應該fd左架喇!   

~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~ ~

玩完狗就到食大閘蟹時間....不過大閘蟹要趁熱食架ma! 結果, 我食完2隻蟹, 見到堆殼時先醒起未影相呀! 所以相片欠奉!