HazelECnuts的部落格

最後一節, 同大家睇下新屋d傢俱...簡直係, 驚喜一浪接一浪!

1) L形鞋櫃/飾櫃 - 遠睇OK, 近睇d門罅比較大, 櫃內呎寸邊大邊細. 櫃門d木板邊厚邊薄!  

2) 電視地櫃, 其中一舊可以拉出黎當茶几用 - 原本呢件都算幾好的, 不過....)

茶几部份的背面竟然漏左貼上木皮!!  係咪低能架! 

3) 廁所鏡櫃 - 雖然呎寸錯誤(窄左&高左!!) 鏡門亦由4塊變左3塊, 不過總算係最好的一件傢俬喇!  

好開心咁大個鏡櫃, 可以收納好多野, 睇落去整潔好多呢!  (鏡櫃下面的鏡片被裝修工人打爛左, 而家等緊人配番)

4) 睡房大衣櫃 - 呢件可以話係最大問題的所在.

最大問題係...我地根本唔係揀呢隻色的!!  最初designer話, 個衣櫃太高太大, 用深色的話會好有壓迫感. 而eric都怕深色會影得間房好暗, 所以就揀左一隻淺過奶茶的啡黃色. 點知間廠無睇清楚, 就做左廳傢俬的顏色!

另一大問題係...成個衣櫃8隻門, 竟然出現3種唔同的啡色! 搞乜野呀... (所以而家d門拆左出黎, 等間廠做過d對色嘅門比我地!)

5) 地台床 - 同衣櫃一樣做錯色! 床尾的電制位置計錯數, 所以床尾多左個窿. (好在唔係張床計錯呎寸乍! )

而家張床有成5呎半, 仲換左張"好似木板咁堅硬"的健康床褥, 頭2日訓唔慣覺得好硬! 呢2日慣左d, 覺得訓醒時無腰酸背痛喇!

希望傢俬公司快d幫我整過d櫃門, 執番掂d野啦!

其實而家都可以正常咁在新屋過新生活.  我由細到大都住在尖沙咀, 舊年仲搬埋去旺角添! 所以從來都唔知夜晚屋企可以咁靜! 呢度真係好有屋企的感覺, 回到家我地都唔願出街.