HazelECnuts的部落格

我2歲半至12歲呢9年幾, 住o係一個叫King's Park的地方. 呢度係一個CLUB o既附屬網球場, 連一遍大草地.

我o既童年就係o係呢遍大草地上的一間小平房度渡過. 

堂細佬 & 細妹....細妹因為成日同男仔玩, 所以細個好憎自己係女仔呢個事實, 成日扮男仔.

因乜事我妹o甘樣衰, 好似老左50年o甘?  我估佢係打緊乞嚏! 我妹睇番呢張相, 話可能第二日老左, 就係o甘o既衰樣架喇!

因為King's Park內有一間鬼仔幼稚園, 所以就有好多外面玩唔到的玩意. 乜野板車, 扭扭車, 滾筒, 我地細細個就有得玩, 個個練到一副好身手!   

以前好興的滑梯組合. 記得o固時有好幾個款比我老豆揀. 仲有一個按比例的模型比左我, 我當左寶一樣比lego人玩.....個模型去左邊呢?  

以前在網球場識的朋友仔. 唔知而家大家點呢?  (97年前的移民潮時, 佢地同家人都移晒民去加拿大了!)

表弟 & 最細的堂細佬. 呢張踢波相好有動感, 好搞笑呀!  

我地成班堂/表兄弟姊妹, 每年都會集埋搞幾次生日會. (其實係d父母搵個藉口聚一埋開枱打牌渣ma!  )

細個因為有呢個o甘特別o既家, 所以過o既生活都好唔同. 夏天個個曬到舊炭o甘; 打風落雨o既日子, 又一定要澗水; 仲有大甲蟲, 黃絲蟻, 大黑蟻, 毛蟲, 蛤蟆等等昆蟲一齊生活. 奇怪以前o既我一d都唔識驚  屋企養大狼狗, 另外, 我仲有幾隻野貓朋友仔.   

以前好怕比同學知我住呢度, 好唔鍾意自己同人地唔同, 好想好似人地o甘住有lift的高樓大廈. 真係唔識寶!   如果而家有o甘o既居住環境就正啦!  可以叫大家一齊黎bbq + 鳥聚, 真係諗下都開心!